Birqatar mınıstrlikter aqparattyq júıesin ıntegratsııalamaı otyr - Asqar Jumaǵalıev

NUR-SULTAN. QazAqparat - Birqatar mınıstrlik aqparattyq júıelerin ıntegratsııalamaı otyr. Bul týraly búgin Úkimet otyrysynda «Tsıfrlyq Qazaqstan» memlekettik baǵdarlamasynyń júzege asyrylý barysy jaıynda baıandaǵan QR Tsıfrlyq damý, ınnovatsııa jáne aeroǵarysh ónerkásibi mınıstri Asqar Jumaǵalıev aıtty, dep habarlaıdy QazAqparat tilshisi.

«Tsıfrlyq memleketke kóshý» baǵyty aıasynda kelesi jumystar júrgizilýde. Memleket basshysy «Memlekettik qyzmetter týraly» Zańdy qabyldady. Sonymen qatar, aqparattyq júıelerdi ıntegratsııalaý nátıjesinde, qyzmetterdiń 80 paıyzdan astamy elektrondy túrde kórsetiledi. Memlekettik qyzmetterdi avtomattandyrý arqyly qaǵaz qujattar aınalymy 70 mln qujatqa qysqardy. Qujattardyń ortasha paketi 30 paıyzǵa azaıdy. Al memlekettik qyzmetterdi kórsetý merzimi orta eseppen 3 ese qysqardy. Osy jyly memlekettik organdarmen birlesip elektrondy qyzmetterdi 90 paıyzǵa jetkizemiz«, - dedi Asqar Jumaǵalıev.

Onyń dereginshe, josparda memlekettik organdardyń 196 aqparattyq júıelerin ıntegratsııa bolǵan. Qazirgi ýaqytta onyń 161 jasaldy. Qosymsha memlekettik organdar 162 ıntegratsııa jasady. Nátıjesinde 320 astam ıntegratsııa júzege asyryldy.

«Degenmen, josparly ıntegratsııany aıaqtamaǵan memlekettik organdar bar. Atap aıtqanda, Indýstrııa jáne ınfraqurylymdy damytý mınıstrliginde – 8, Qorǵanys mınıstrliginde – 7, Ulttyq ekonomıka mınıstrliginde – 6, Іshki ister mınıstrliginde – 4, Densaýlyq saqtaý mınıstrliginde – 2 ıntegrtsııa qaldy«, - dedi ol.

Mınıstrdiń atap ótýinshe, ıntergratsııa jumystaryn jeńildetý maqsatynda Estonııa tájirıbesi zertteldi. Nátıjesinde, 2019 jyldyń sońynda «Smart Bridge» jobasy iske qosyldy. Sonyń arqasynda, ıntegratsııa merzimi men shyǵyndary 3 ese azaıdy.

«Jalpy, osy jylǵa 100-den astam ıntegratsııa josparlanǵan. Qurmetti Asqar Uzaqbaıuly, memlekettik organdarǵa ıntegratsııany aıaqtaý jóninde tapsyrma berýińizdi suraımyn», - dedi Asqar Jumaǵalıev Úkimet basshysy Mamınge qarata.