Birqatar memlekette Qazaq mádenı-iskerlik úıleri ashylady - mınıstr

NUR-SULTAN. QazAqparat – Aqparat jáne qoǵamdyq damý mınıstri Aıda Balaeva qandastardy áleýmettik-ekonomıkalyq turǵydan qoldaý máselesi memlekettik baǵdarlamalarǵa engiziletinin málimdedi. Bul jaıly mınıstr halyqqa esep berý kezdesýinde aıtty, dep habarlaıdy QazAqparat tilshisi.

«Qandastardyń áleýmettik-ekonomıkalyq turǵydan qoldaý máselesi de jyldan jylǵa sheshilip keledi. Qazir olar elimizde iske asyrylyp jatqan memlekettik baǵdarlamalarǵa engiziletin bolady. Azamattyq alǵysy keletin qandastarymyzǵa arnalǵan «Otandastardy aqparattyq qoldaý ortalyǵy» qurylyp, oǵan byltyrdyń ózinde 5 myńǵa jýyq ótinish tústi. Óz kezeginde «Otandastar» qorymen birlesip qazaqtar kóp shoǵyrlanǵan shet elderde Qazaq mádenı-iskerlik úıleri ashylatyn bolady. Bul eń aldymen Qytaı, Reseı, Mońǵolııa, Ózbekstan, Germanııa men Túrkııa sııaqty elderge qatysty», - dedi ol.

Sonymen birge, Aıda Balaeva til oqytý máselesine toqtalyp, qazirdiń ózinde 12 eldiń 23 qalasynda 31 qazaq synypty onlaın rejımde ashylǵanyn, bıyl bul elderde 2,5 myńnan asa balalar ana tilinde bilim alatynyn jetkizdi.