Birqatar memleket basshylary Elbasyn quttyqtady

NUR-SULTAN. QazAqparat - Qazaqstannyń Tuńǵysh Prezıdenti - Elbasy Nursultan Nazarbaev Túrkııa Respýblıkasynyń Prezıdenti Rejep Taıyp Erdoǵanmen, Armenııa Respýblıkasynyń Premer-Mınıstri Nıkol Pashınıanmen, Reseı Federatsııasynyń Prezıdenti Vladımır Pýtınmen, Qyrǵyzstan Respýblıkasynyń Prezıdenti Sooronbaı Jeenbekovpen jáne Ózbekstan Prezıdenti Shavkat Mırzıeevpen telefon arqyly sóılesti, dep habarlaıdy QazAqparat Elbasy.kz saıtyna silteme jasap.

Túrkııa Prezıdenti Elbasyny týǵan kúnimen jáne astana kúnimen quttyqtap, Nursultan Nazarbaevqa zor densaýlyq jáne jańa jetistikter tiledi.

Taraptar baýyrlas eki eldiń ıgiligi úshin Qazaqstan-Túrkııa yntymaqtastyǵyn odan ári damytýdyń mańyzdylyǵyn atap ótti.

Armenııanyń Premer-Mınıstri Elbasyny týǵan kúnimen jáne astana kúnimen quttyqtap, Nursultan Nazarbaevqa zor densaýlyq pen amandyq tiledi.

Reseı Prezıdenti Elbasyny týǵan kúnimen jáne astana kúnimen shyn júrekten quttyqtap, Nursultan Nazarbaevqa zor densaýlyq jáne tolaǵaı tabys tiledi.

Áńgimelesý barysynda taraptar eki el arasyndaǵy strategııalyq seriktestik pen odaqtastyq qarym-qatynastardy odan ári dáıekti túrde damytýǵa nıettestik bildirdi.

Áńgimelesý barysynda taraptar Qazaqstan-Armenııa arasyndaǵy jan-jaqty qatynastardy nyǵaıta berýge nıetti ekendigin jetkizdi.

Sooronbaı Jeenbekov Elbasyny týǵan kúnimen jáne astana kúnimen quttyqtap , Nursultan Nazarbaevqa zor densaýlyq jáne alǵa qoıǵan maqsattarynyń tabysty júzege asyrylýyna nıettestik bildirdi.

Eki tarap Qazaqstan men Qyrǵyzstan arasyndaǵy tatý kórshilik jáne ózara senimge negizdelgen túrli salalardaǵy qatynastardy odan ári nyǵaıtý qajettigin atap ótti.

Ózbekstan Prezıdenti Elbasyny týǵan kúnimen jáne astana kúnimen quttyqtap , Nursultan Nazarbaevqa myqty densaýlyq jáne tolaǵaı tabys tiledi .

Áńgimelesý barysynda dostyqqa, senim men yntymaqtastyqqa negizdelgen Qazaqstan-Ózbekstan strategııalyq qarym-qatynastaryn tereńdetýdiń mańyzdylyǵy týraly aıtyldy.