Birqatar QAJ qyzmetkerleriniń ústinen jemqorlyqqa qatysty is qozǵaldy

NUR-SULTAN. QazAqparat - Sybaılas jemqorlyqqa qarsy qyzmet QR Іshki ister mınıstrliginiń Qylmystyq-atqarý júıesi komıtetiniń jeke qaýipsizdik qyzmetimen birlesip elimizdiń birqatar aımaqtarynda sybaılas jemqorlyq qylmystaryn jasaý kúdikteri boıynsha qylmystyq-atqarý júıesi qyzmetkerlerine qatysty sotqa deıingi tergeý jumystaryn bastady, dep habarlaıdy QazAqparat Sybaılas jemqorlyqqa qarsy is-qımyl agenttigine silteme jasap.

Sonymen, Aqmola oblysynda tergeý jolymen anyqtalǵan ETs-166/18 mekemesi bastyǵynyń tártiptik-jedel jumystar jónindegi orynbasary, ádilet maıorynyń sottalǵan adamǵa qamqorlyq jáne qolaıly jaǵdaı jasaý úshin azamattan 400 myń teńge kóleminde para alý faktisi (Qiwi elektrondy ámııanyna aýdarý arqyly) tekserilýde.

Qaraǵandy qalasynda oblystyń Qylmystyq-atqarý júıesi departamentiniń basshylyǵymen birge AK-159/1 mekemesiniń baqylaýshysy sybaılas jemqorlyq qylmysyn jasady degen kúdikpen áshkerelendi.

Ol 20 myń teńge kólemindegi aqshalaı syıaqy úshin sottalýshyǵa marıhýana jáne uıaly telefon ótkizý arqyly óziniń qyzmettik ókilettikterin asyra paıdalandy dep kúdiktelýde.

Kúdiktilerdiń óz kinásin moıyndaýyna jáne kelý týraly mindettemesin berýine baılanysty olarǵa qatysty protsessýaldyq ustaý qoldanylǵan joq.