Birqatar elderdiń parlament ókilderi Elbasynyń halyqaralyq batyl qadamdaryn talqylaýda
«Bul mańyzdy forým Tuńǵysh Prezıdent kúni qarsańynda jyl saıyn dástúrli túrde ótkizilýde. Sebebi bıyl 27 jyl tolatyn Egemen elimizdiń árbir kúni, árbir aıy, árbir jyly tikeleı Tuńǵysh Prezıdentimiz - Elbasy Nursultan Ábishuly Nazarbaevtyń esimimen baılanysty. Shyn máninde álemdik saıasatker, tarıhı tulǵa Nursultan Nazarbaevtyń kóregen salıqaly saıasatynyń arqasynda jańa Qazaqstannyń, jańa ekonomıkasynyń, jańa qoǵamynyń irgesi qalandy. Memlekettik shekarasy bekitilip, damýdyń qazaqstandyq joly qalyptasty. Búginde birligi jarasqan, bolashaǵy jarqyn Táýelsiz elimiz búkil álem tanyǵan abyroıly, bedeldi jáne mártebeli memleketke aınaldy», - dedi Parlament Májilisiniń tóraǵasy Nurlan Nyǵmatýlın.
Osy oraıda ol bul jetistikter Elbasynyń eren eńbekteriniń, sonymen birge árqashan da Prezıdentke tirek bolyp, qoldaý bildirgen halyqtyń berekesi men birliginiń jemisi ekenin atap ótti.
«Sondyqtan osy dástúrli konferentsııa Memleket basshysynyń elimizdi damytý jolyndaǵy tarıhı erlikterin, halyqaralyq batyl qadamdaryn urpaqtarǵa jetkizýge arnalǵan ıgilikti shara ekeni sózsiz. Elbasynyń uly erlikteriniń biri - ol elordamyz Astana ekeni belgili. Bıyl 20 jyl tolǵan bas qalamyz búginde otandyq jáne halyqaralyq iri bastamalardyń ortalyǵyna aınaldy», - dedi Nurlan Nyǵmatýlın.
Aıta keteıik, konferentsııa barysynda Ázerbaıjan, Italııa, Qyrǵyzstan, Lıtva, Reseı, Túrkııa jáne Ózbekstan parlamenti basshylary sóz sóıledi. Sonymen qatar, forým jumysyna Germanııa, Úndistan, Qytaı, Shvetsııa men basqa da elderdiń sarapshylary, halyqaralyq uıymdardyń ókilderi qatysýda.