Birqatar el Qytaıdan keletin týrıster úshin koronavırýsqa test engizdi

LONDON. QazAqparat - Anglııa, Frantsııa, Ispanııa jáne birneshe el Qytaıda koronavırýstyń jańa tolqynynyń bastalýyna alańdap, osy elden kelgen áýe jolaýshylary úshin test tapsyrýdy mindettedi, dep habarlaıdy QazAqparat VVS-ge silteme jasap.

Izraıl men Ońtústik Koreıa da qytaılyqtar úshin kovıd shekteýlerin qaıtaratynyn jarııalady. Buǵan deıin AQSh, Úndistan jáne Italııa Qytaıdan kelgen jolaýshylarǵa testti qaıta qolǵa aldy.

Ulybrıtanııa testti 8 qańtardan bastap engizdi. El úkimeti Qytaıdan túsken epıdemıologııalyq aqparattyń jetispeýinen osyndaı sheshim qabyldaýǵa májbúr bolǵan.

Testti tek Anglııa áýejaılarynda kórsetý qajet, alaıda qazirgi tańda Qytaıdan Shotlandııa, Ýels nemese Soltústik Irlandııaǵa tikeleı reıs joq.

Frantsııa Qytaıdan kelgen áýe jolaýshylarynan ushýdan 48 saǵat buryn jasalǵan koronavırýs testin talap etedi.

Al Ispanııa vaktsınany tolyq alǵan qytaılyqtarǵa elge testsiz kirýge ruqsat etti.

Italııa men Ispanııa bolsa, jolaýshylar elge kelgen boıda áýejaıda vırýsqa synama alady.

Frantsııa men Ispanııa pandemııalyq shekteýlerdi qashan qaıtaratynyn naqtylamady.

Qytaı úkimeti kún saıyn bes myńnan astam adam koronavırýs juqtyryp jatqanyn habarlady, biraq kóptegen taldaýshylar bul sannyń tómendetilgenin, shyndyǵynda jańa jaǵdaılar kórsetkishi mıllıonǵa jetedi dep esepteıdi.

Germanııa, Aýstralııa men Portýgalııa jańa antıvırýs sharalary ázirge engizilmeıtinin málim etti.

Foto: REUTERS