Birinshi jartyjyldyqta Brent markaly munaı baǵasy 48 % qymbattady

BAKÝ. QazAqparat – Azeri Light markaly Ázerbaıjan munaıynyń bir barreliniń baǵasy álemdik naryqta $3,5 nemese 2,79%-ǵa ósip, $128,8 jetti, dep habarlaıdy QazAqparat menshikti tilshisi.

Ázerbaıjan memlekettik bıýdjetinde bıylǵy munaı baǵasy $85 deńgeıinde bekitilgen edi. Buǵan deıin Azeri Light munaıynyń eń tómengi baǵasy 2020 jyly 21 sáýirde ($15,81), al eń joǵary baǵasy – 2008 jyly shildede ($149,66) tirkelgen bolatyn. Munaı baǵasy juma kúni OPEK+ otyrysynyń qorytyndysy qarsańynda kúrt tómendegennen keıin jáne AQSh ekonomıkasy ósýiniń baıaýlaýyna baılanysty qaýipten keıin óse bastady. Londondaǵy ICE Futures bırjasynda Brent markaly munaıdyń qyrkúıek aıyndaǵy fıýchersteri $2,61-ǵa (2,39%), barreli $111,63 qymbattady.

Nıý-Iork taýar bırjasynyń (NYMEX) elektrondyq sessııasynda tamyz aıynda WTI fıýchersiniń quny 1 shilde qorytyndysy boıynsha $2,34-ǵa (2,21%) - bir barreli $108,10 deıin ósti. Birinshi jartyjyldyqta Brent 48%-ǵa, WTI-41%-ǵa qymbattady.