Birinshi toqsanda janar maıdyń baǵasyn ustap turamyz - U. Qarabalın
Onyń aıtýynsha, 2013 jyly elimizde 14,3 mln. tonna munaı qaıta óńdeldi. 2,7 mln tonnadan astam benzın óndirildi. Al 1,3 mln tonna janarmaı ımporttalyp, ishki tutyný 4 mln tonnaǵa jetken. Sonymen qatar, 4,2 mln tonna dızeldik otyn óndirilip, 700 myń tonna syrttan ákelingen. Іshki tutyný 4.8 mln tonnaǵa jetken. Janarmaıdyń eki túrinen de munaı bazalarynda sáıkesinshe 370 myń jáne 200 myń tonna saqtalǵan.
"Bıylǵy josparymyz da osy shamalas bolmaq. 1 mln 69 myń tonna ımporttalatyn janar maıdy Reseıden ákelemiz», - dedi mınıstr.
Onyń málimetterinshe, bıyl 2,9 mln tonna benzın óndiriledi. Al ishki tutyný 4,2 mln tonnaǵa jetedi. Dızeldik otyn 4,2 mln tonna óndirilse, ishki tutynym 5 mln tonnaǵa jýyq bolady. 600-650 myń tonnasy syrttan ákelinedi.
«Sonymen qatar, qazirgi qolda bar qorymyz aldaǵy 30-45 kúnge baǵany ustap turýǵa múmkindik beredi», - dep atap ótti U. Qarabalın.
Onyń aıtýynsha, shekaranyń ashyqtyǵy reseılik munaı ónimderin Qazaqstanǵa tasýda buǵan deıin esh qıyndyq qýǵyzǵan emes. «Teńge baǵamynyń ózgerýine baılanysty jetkizýshiler men satyp alýshylardyń qyzyǵýshylyqtary qandaı ekenin biz áli tolyq bilmeımiz. Bizdiń oıymyzsha, teńge baǵamynyń túzetilýi buǵan deıingi barlyq jeńildikterdi joıa almaıdy. Qazir biz naryqty zerttep-zerdelep, munaı ónimderine degen baǵany saqtap turýǵa barlyq sharalardy qabyldaıtyn bolamyz», - dep atap ótti Munaı jáne gaz mınıstri.