Birinshi toqsanda Qazaqstan 24 mln tonna munaı eksporttady

ASTANA. QazAqparat - Jyl basynan beri Qazaqstan 24 mln tonna munaıdy eksportqa shyǵardy. Bul týraly búgin Úkimet otyrysynda QR Energetıka mınıstri Qanat Bozymbaev málim etti, dep habarlaıdy QazAqparat tilshisi.

«Aǵymdaǵy jyldyń 4 aıynyń ishinde otyn-energetıka salasy boıynsha oń kósretkishter dınamıkasy jalǵasýda. Munaı jáne kondensat óndirý kólemi 29,9 mln tonnany qurady. ıAǵnı, 2017 jyldyń sáıkes kezeńimen salystyrǵanda 6 paıyzǵa ósim kórsetti», - dedi mınıstr.

Sonyń ishinde mınıstrdiń dereginshe, úsh iri joba boıynsha munaı óndirý kólemi 17,9 mln tonnany  quraǵan.

«Qashaǵanda 3,8 mln, Teńizde 9,9 mln, Qarashyǵanaqta 4,2 mln tonna óndirildi. Munaı eksporty kólemi 24,1 mln tonnany qurady. Bul 2017 jyldyń sáıkes  kezeńine qaraǵanda 4,3 paıyzǵa artyq», - dedi ol.

Onyń atap ótýinshe, aǵymdaǵy jyldyń 4 aıynyń ishinde munaı óńdeý kólemi 5,1  mln tonnaǵa jetken.

«ıAǵnı, byltyrǵy sáıkes kezeńmen salystyrǵanda 12 paıyz ósim kórsetti. Úsh munaı  óńdeý zaýyty 3,6  mln tonna kóleminde munaı  ónimderin shyǵardy. Bul byltyrǵy sáıkes kezeńmen salystyrǵanda 7 paıyzdan astamǵa joǵary», - dedi Qanat Bozymbaev.