Birinshi toqsanda bıýdjetke salyq túsimi 114,5 paıyz oryndaldy

ASTANA. QazAqparat - Aǵymdaǵy jyldyń birinshi toqsanynda memlekettik bıýdjetke túsken salyq túsimi 114,5 paıyzǵa oryndaldy. Bul týraly búgin Ortalyq kommýnıkatsııalar qyzmetindegi baspasóz máslıhatynda QR Qarjy mınıstrligi Memlekettik kirister komıteti tóraǵasynyń orynbasary Mádı Takıev aıtty, dep habarlaıdy QazAqparat.

«2017 jyly shoǵyrlandyrylǵan bıýdjetke salyq túsimderi josparynyń oryndalýy 106,3 paıyzdy qurady. Tolyqtaı alǵanda, ótken jylydń qorytyndysynda 8 trln 13 mlrd teńge tústi. Onyń ishinde memlekettik bıýdjet 101 paıyzǵa oryndalyp, 6,8 mlrd teńge túsim boldy. Bıýdjettiń artyǵymen oryndalýy 95 mlrd teńgegi qurady.  Ulttyq qordyń oryndalýy 127 paıyzǵa oryndaldy. 2 mlrd teńge túsip, 426 mlrd teńgege ósim boldy», - dedi ol.

Tóraǵa orynbasarynyń sózine qaraǵanda, 2017 jylǵy shoǵyrlanǵan bıýdjetke salyq túsimderiniń ósim qarqyny 2016 jylmen salystyrǵanda 123 paıyzdy nemese 1 trln 658 mlrd teńgeni qurady.

«2018 jyldyń 1 toqsany qorytyndysy boıynsha bıýdjettiń oryndalýy 114,5 paıyzdy qurady. 2 trln 244 mlrd teńge tústi. Jospar 293,5 mlrd teńgege artyǵymen oryndaldy. Onyń ishinde Ulttyq qorǵa túsim jospary 166 paıyzǵa artyp, 458 mlrd teńge tústi. Artyǵymen oryndalǵan kólem 182,5 mlrd teńge boldy. Birinshi toqsandaǵy shoǵyrlanǵan bıýdjetke túsimderdiń ósim qarqyny ótken jyldyń 1 toqsanymen salystyrǵanda 104 paıyzdy qurady. Ósim 82 mlrd teńgeden asty», - dedi Mádı Takıev.