Birinshi synypqa qabyldaýǵa 285 myńnan astam ótinish túsken

NUR-SULTAN. QazAqparat – Ata-analardan birinshi synypqa qabyldaý týraly 285 myńnan astam ótinish túsken, dep habarlaıdy QazAqparat tilshisi.

Bilim mınıstrliginiń baspasóz qyzmetiniń habarlaýynsha, qujattardy qabyldaý 1 tamyzǵa deıin jalǵasady. Al birinshi sáýirden beri 285 myńnan astam ótinish túsken.

«Qujattardy qabyldaý 4 aıǵa uzartylǵan bolatyn. Bul ata-analarǵa da, mektep ákimshilikterine de oqý protsesine daıyndyqty aldyn ala oılastyrýǵa múmkindik beredi. Sondaı-aq 10 tamyzdan keıin mektepterde daıyndyq toby jumysyn bastaıdy, oǵan ata-analardyń qalaýy boıynsha mektepke deıingi mekemelerge barmaǵan nemese mektepaldy daıarlyqtan ótpegen balalar bara alady», – deıdi Bilim jáne ǵylym mınıstrligi Mektepke deıingi jáne orta bilim komıteti tóraǵasynyń orynbasary Jomart Qarambaev.

Ótinishterdi qabyldaý Egov.kz elektrondyq úkimet portaly arqyly elektrondyq formatta júrgizilip jatyr. Mektepke qabyldaný úshin kelesi qujattardy usyný qajet:

- balanyń densaýlyq jaǵdaıy týraly qujattar (balanyń densaýlyq pasporty №026/ý-3, №063/ý nysany boıynsha medıtsınalyq anyqtama);

- balanyń kólemi 3h4 sm tsıfrlyq fotosýreti. Ótinish 1 jumys kúni ishinde qaralady.

«Qyzyl» aımaqqa engen óńirlerde turatyn ata-analar medıtsınalyq anyqtamalardy oqý jylynyń bastalýyna deıin ala alady. Vedomstvonyń boljamy boıynsha osy oqý jylynda birinshi synypqa 380 myńnan astam oqýshy barady», - dep jazylǵan mınıstrliktiń baspasóz málimetinde.