Birinshi prezıdentke qatysty konstıtýtsııalyq emes zańdardyń keıbiri transformatsııalanady - depýtat

ASTANA. QazAqparat – Májilis depýtaty Aıdos Sarym Parlament palatalarynyń birlesken otyrysynan keıin BAQ ókilderiniń suraǵyna bergen jaýabynda birinshi prezıdentke qatysy bar konstıtýtsııalyq emes zańdardyń keıbiri transformatsııalanatynyn aıtty, dep habarlaıdy QazAqparat tilshisi.

«Búgin biz Tuńǵysh Prezıdent týraly normalardyń negizgi zańnamalyq qurylymynyń kúshin joıdyq dep oılaımyn. Qalǵan normalar qalypty zań bolýy kerek. ıAǵnı, Konstıtýtsııalyq zań bolmaıdy. Elbasy týraly qalǵan 20 zań nemese úlken zańnamalyq aktilerdegi eskertpeler Elbasy týraly Konstıtýtsııalyq zańnyń negizinde qurylǵan bolatyn. Konstıtýtsııadan muny alyp tastaǵandyqtan, ol normalar ketedi. Qalǵan jaı zańdar ne kúshin joıýy kerek, ne transformatsııalanady. Bul jerde bıýdjet, salyqtar týraly aıtyp otyrmyn», - dedi depýtat.

Buǵan deıin Ádilet mınıstri Azamat Esqaraev salalyq zańdardaǵy Elbasy týraly 20-dan astam normanyń kúshi joıylatynyn aıtqan edi.

«Shynynda da biraz zańda Tuńǵysh Prezıdent týraly qujatta kózdelgen biraz ókilettikter men mártebe týraly normalar bar. Ártúrli salalyq zańdarda, mysaly, áleýmettik, bilim berý sııaqty salalyq zańdarda bar. Biz sony anyqtap qaradyq. 20-dan astam zańda sondaı normalar bar. Biraq olardyń kúshin joıý – keshendi jumys. Olardy anyqtap, tııanaqty zań shyǵarý tártibimen qarastyrý kerek», - dedi Azamat Esqaraev.

Eske sala keteıik, búgin palatalardyń birlesken otyrysynda Elbasy týraly qujattyń kúshin joıatyn Konstıtýtsııalyq zań qabyldandy.