Birinshi lıgada «Aqjaıyq» pen «Elimaı» jeńiske jetti

ORAL. QazAqparat – Birinshi lıga komandalary arasynda el chempıonatynyń 3-týrynda Oraldyń «Aqjaıyǵy» óz alańynda Almatynyń «Han Táńiri» komandasyn qabyldady, dep habarlaıdy QazAqparat tilshisi.

Birinshi taımda qonaqtardan 13-mınýtta Marlen Aımanov esep ashsa, alań ıelerinen 20 mınýttan keıin Roman Chırkov tarazy basyn teńestirdi.

Ekinshi kezeńde 49-mınýtta «Aqjaıyqtan» Zaven Badoıan esepti 2:1-ge jetkizdi. 87-mınýtta R.Chırkov matchtyń núktesin qoıdy.

Búgin sondaı-aq Semeıdiń «Elimaı» komandasy syrt alańda «Jas Qyrandy» 2:0 esebimen tize búktirdi. Bul oıynda Altynbek Saparov pen Maksım Jıtnev mergendik tanytty.

Úsh týrdan keıin 7 upaı jınaǵan «Elimaı», «Qaırat-Jastar» jáne «Aqjaıyq» komandalary alǵashqy úshtikte keledi. Oraldyqtar 27 sáýirde Astananyń «Jeńisin» qabyldaıdy. Sodan keıin 30 sáýirde Qazaqstan kýboginiń pleı-off básekesinde Almatynyń «Qaıratymen» qarymta kezdesýin ótkizedi.

Eske sala keteıik, budan buryn birinshi lıgada «Aqjaıyqtyń» alǵashqy jeńisine qol jetkizgenin jazǵan edik.

Sýretterdi túsirgen: Túgelbaı Bısen.