Birinshi lıgada «Aqjaıyq» qatarynan ekinshi jeńisine qol jetkizdi

ORAL. QazAqparat – Fýtboldan birinshi lıga komandalary arasynda el chempıonatynyń 22-týrynda Oraldyń «Aqjaıyǵy» óz alańynda Almatynyń «Qaırat-Jastar» komandasyn qabyldady, dep habarlaıdy QazAqparat tilshisi.

Ótken týrda syrt alańda «Arystan» 2:0 esebimen basym túsken oraldyqtar úshin bul kezdesý de mańyzdy edi.

Birinshi taımda 36-mınýtta almatylyqtardan Dıas Kúshkimbaev esep ashty.

Ekinshi kezeńde «Aqjaıyqtyń» surmergeni, ýkraınalyq Mıkola Agapov 53-inshi jáne 93-mınýtta eki goldyń avtory atanyp, komandasyna jeńis áperdi.

Bul oıynnan keıin 39 upaı jınaǵan oraldyqtar týrnır kestesinde burynǵysynsha tórtinshi orynda keledi.

Eske sala keteıik, budan buryn Krıshtıaný Ronaldýdyń ulttyq chempıonatta gol soǵý jóninen álemdik rekord ornatqanyn jazǵan bolatynbyz.