Birinshi lıgada «Aqjaıyq» Astanada «Jeńisten» jeńilip qaldy

ASTANA. QazAqparat – Fýtboldan birinshi lıga komandalary arasynda Qazaqstan birinshiliginiń tórtinshi týrynda «Jeńis» óz alańynda Oraldyń «Aqjaıyǵyn» qabyldady, dep habarlaıdy QazAqparat tilshisi.

Birinshi taımda 5-mınýtta alań ıelerinen gambııalyq Pa Omar Jobe esep ashty.

Ekinshi kezeńde grýzııalyq Tornıke Dzebnıaýrı 81-mınýtta esepti 2:0-ge jetkizdi. Arada eki mınýt ótkende, «Aqjaıyq» sapyndaǵy ýkraınalyq Mıkola Agapov bir golmen jaýap qaıyrdy.

Osylaısha, oıyn barysynda óz múmkindikterin paıdalana almaǵan oraldyqtar bıylǵy maýsymda alǵash ret jeńilis tapty – 1:2.

Bul týrda sondaı-aq túrkistandyq «Turan» syrt alańda «Aqtóbe-Jas» komandasyn 6:1 esebimen utyp, týrnır kestesinde 9 upaımen kósh basyna kóterildi. Úsh match ótkizgen túrkistandyqtar ázirge eshqandaı upaı joǵaltqan joq.

Syrt alańda «Akademııa Ońtústik» komandasyn 5:2 esebimen tize búktirgen «Arys» tórt oıynnan keıin 9 upaı jınap, ekinshi orynǵa shyqty.

«Qyran» «Qaırat-Jastardan» 4:3 esebimen aılasyn asyrdy.

Eske sala keteıik, budan buryn birinshi lıgada «Aqjaıyq» pen «Elimaıdyń» jeńiske jetkenin jazǵan bolatynbyz.

Sondaı-aq «Jetisý» fýtbol klýbynyń bas bapkeri aýysty.

«Manchester Sıtı» shabýylshysy Aǵylshyn lıgasynda rekord ornatty.