Birinshi lıgada «Aqjaıyq» Aqtóbede jergilikti komandany jeńdi

ASTANA. QazAqparat – Fýtboldan birinshi lıga komandalary arasyndaǵy Qazaqstan chempıonatynyń 15-týrynda Aqtóbede «Aqtóbe-Jas» komandasy Oraldyń «Aqjaıyǵyn» qabyldady, dep habarlaıdy QazAqparat tilshisi.

Premer-lıgaǵa oralýdan áli de úmit úze qoımaǵan oraldyqtar úshin bul match mańyzdy edi.

Birinshi taımda 37-mınýtta «Aqjaıyqtan» Aqtaý fýtbolynyń túlegi Baqdáýlet Kóńilimqos esep ashty – 1:0.

Ekinshi kezeńde qos klýb qansha tyrysqanymen, esep ózgergen joq.

Osylaısha, aqtóbelik maman, buryn «Aqtóbe-Jasty» baptaǵan Igor Prohnıtskıı jattyqtyratyn «Aqjaıyq» 28 upaımen týrnır kestesinde burynǵysha úzdik úshtikti túıindep tur.

Oraldyqtar kelesi týrda 20 shilde kúni óz alańynda «Ekibastuzdy» qabyldaıdy.

Eske sala keteıik, budan buryn Qazaqstan quramasynyń oıynshysy «Tobyldan» «Astanaǵa» aýysqanyn jazǵan edik.

Sondaı-aq birinshi lıgada «Túrkistan» úzdikterge jaqyndaı tústi.