«Birinshi arna» Ýkraınada óz tilshisiniń qaza bolǵanyn rastady

ASTANA. QazAqparat - Ýkraınanyń Donetsk qalasynda «Birinshi arnanyń» operatoryn óltirip ketti. Bul týraly Donetsk halyqtyq respýblıkasynyń baspasóz ortalyǵynyń jetekshisi Klavdııa Kýlbatskaıa habarlady.

«Oq operatordyń ishine tıdi, ol sodan kóz jumdy», - dep málimdedi Reseıdiń "Jańalyqtar" aqparattyq agenttigine Kýlbatskaıa. Marqum operatordyń esimi Anatolıı Klıan, dep habarlady Russia Today telearnasy. «Birinshi arna» tańǵy jańalyqtarda ózderiniń jýrnalısi qaza bolǵanyn rastady. "Qaıǵyly oqıǵa áskerı bólimderdiń biriniń janynda boldy. Ol jerge túsirilim toby reportaj jasaýǵa barǵan edi», - dedi jańalyqtar júrgizýshisi.