Biriktirilgen Salyq jáne Kedendik kodeksi 1 qyrkúıekte Parlamentke joldanady - E. Dosaev

ASTANA. QazAqparat - Ulttyq ekonomıka mınıstrliginiń biriktirilgen Salyq jáne Keden kodeksi bıyl 1 qyrkúıekte Parlamentke joldanady. Bul týraly búgin Astanada QR Prezıdenti janyndaǵy Ortalyq kommýnıkatsııalar qyzmetinde Jańǵyrtý jónindegi Ulttyq komıssııanyń baspasóz máslıhatynda QR Ulttyq ekonomıka mınıstri Erbolat Dosaev málim etti.

«Osy ýaqytqa deıin bıznes pen bılik elde qandaı salyq túri bolady: satylymnan túsken salyq nemese qosymsha qun salyǵy qalýy tıis pa degen saýalda ortaq ymyraǵa kelýi tıis», - dep atap ótti mınıstr.
«Búginde pikirler ekige jaryldy. Qaısysy jaqsy: qosymsha qun salyǵy ma, álde satylymnan túsetin salyq pa? Suraqtar kóp, onyń jaqsy tustary da, teris tustary da bar», - deıdi E. Dosaev.
Onyń aıtýynsha, qandaı salyq tıimdi degen saýal táýelsizdik alǵaly beri talqylanyp keledi. Qazirgi ýaqytta salyq túrlerine qatysty saraptama ótkizilýde. Alaıda, bul másele birjaqty sheshilmeı otyr.
«Memleket Basshysy qajetti esepteýler jasap, bıznespen tildesýdi, qandaı salyq qajet ekenin anyqtaýdy naqty tapsyrdy. Ol qalaı iske asady?! Biz biriktirilgen Salyq jáne Kedendik kodeksin jasadyq, ol 1 qyrkúıekte Parlamentke joldanady. Demek, naqty sheshim sonda kórsetiledi», - deıdi mınıstr.