«Birikken kóliktik-logıstıkalyq kompanııanyń» jańa basshysy saılandy

ASTANA. QazAqparat - Búgin Máskeýde «Reseı temir joly» AAQ prezıdenti Oleg Belozerov, «Qazaqstan Temir joly» UK» AQ prezıdenti Asqar Mamın jáne «Belarýs temir joly» Memlekettik uıymynyń basshysy Vladımır Morozov úshjaqty kezdesýi ótkizdi.

Onda «Birikken kóliktik-logıstıkalyq kompanııa» AQ aıasyndaǵy birlesken jumys talqylandy. Taraptar kompanııanyń 2015 jylǵy jumysynyń qorytyndysyn jáne aǵymdaǵy jyldyń basynan beri atqarylǵan sharýalardy talqylady.

Kompanııalardyń basshylary «Birikken kóliktik-logıstıkalyq kompanııa» AQ operatsııalyq modeliniń negizgi prıntsıpterin ortaǵa saldy. Onyń ishinde, Reseı, Qazaqstan Respýblıkasy jáne Belarýs temir joldary shekalaralyndaǵy jumystardyń júzege asýy men ony keńeıtý múmkindigi bar.

«Jańa model konteınerlik tasymaldaýlardy damytýǵa baǵyttalmaq. Bul qazirgi ekonomıkalyq ahýalda tranzıttik tasymaldaýdan túsetin qosymsha tabysty alýǵa jol ashady», - dedi «QTJ» UK» AQ prezıdenti Asqar Mamın.

Búgin, sonymen qatar, «Birikken kóliktik-logıstıkalyq kompanııa» AQ aktsıonerleriniń jıyny ótti.
Onda kompanııanyń jańa prezıdenti bolyp biraýyzdan Alekseı Grom saılandy. Ol buryn AQ Birinshi vıtse-prezıdenti qyzmetinde bolǵan. Sondaı-aq, dırektorlar keńesiniń jáne kompanııa basqarmasynyń jańa quramy bekitildi.