Birikken Arab Ámirlikterinen 460 qazaqstandyq jetkizildi - QR SІM

NUR-SULTAN. QazAqparat – Qazaqstandyq dıplomattardyń úlesimen Birikken Arab Ámirlikterinde júrgen 463 azamatymyz elge jetkizildi, dep habarlaıdy QazAqparat QR Syrtqy ister mınıstrligine silteme jasap.

«Qazaqstan Respýblıkasynyń Dýbaıdaǵy Bas konsýldyǵynyń (BAÁ) dıplomattary azamattarymyzdy otanyna qaıtarý boıynsha júrgizilip jatqan jumystar aıasynda 20-21 naýryzda týrısterimizdi Dýbaı - Almaty (2 reıs) jáne Dýbaı - Nur-Sultan baǵyttary boıynsha reısterge otyrǵyzýdy júzege asyrdy», - delingen mınıstrlik aqparatynda.

Málim etilgendeı, dıplomattardyń kúshimen atalǵan reısterge BAÁ-de júrgen ózge jolaýshylar da otyrǵyzylǵan.

«Atqarylǵan jumystardyń nátıjesinda 463 azamatymyz elge oraldy. Bas konsýldyq qalǵan otandastarmen turaqty baılanysta jáne olarǵa qajetti kómek kórsetýde», - dedi vedomstvodan.