Birgemiz: Umit jobasynyń volonterleri 1 myńnan astam joǵalǵan adamdy izdeýge atsalysty

NUR-SULTAN. QazAqparat - Nur-Sultanda Memleket basshysynyń qatysýymen Volonterler jylynyń resmı jabylý saltanaty ótti. Onda elimizdiń barlyq aımaǵynan qatysyp otyrǵan volonterler óz tájirıbesin bólisti, dep habarlaıdy QazAqparat.

Sonyń biri - Arys qalasynan kelgen volonter Oljas Mamyr.

Ol Volonter jyly eriktilerge degen qurmet artyp, eńbegi elene bastaǵanyn aıtady.

« Arystaǵy apat kezinde turǵyndardy evakýatsııalap, azyq-túlikpen jáne kıim-keshekpen qamtamasyz etýge atsalystyq. Jaqynynan kóz jazyp qalǵan qanshama jannyń qaıta qaýyshýyna sebep boldyq. Eń bastysy, tótenshe jaǵdaıda jyldam áreket etý tásilderin úırendik. Osy tájirıbeni Maqtaaralda qoldandyq. Sý tasqyny kezinde barlyq volonter bir ortalyqqa birigip, tize qosyp qımyldady. 16 myń tonna gýmanıtarlyq kómek úlestirildi. Tipti, sýǵa ketken adamdardy qutqaryp qalǵan kezimiz de boldy», - deıdi volonter.

Budan keıin Oljas Mamyr pandemııa kezinde d árigerlermen, tártip saqshylarymen birge jaǵdaıdy turaqtandyrýǵa belsene atsalysty.

Bul jumystardyń barlyǵy Prezıdent usynǵan «Birgemiz: Umit» jalpyulttyq jobasynyń maqsatymen tolyq úndesedi.

«Bıyl «Birgemiz: Umit» jobasynyń volonterleri 1 myńnan astam joǵalǵan adamdy izdeýge qatysty. Habar-osharsyz ketken 50 adamdy tabýǵa kómektesti. Ekinshi dúnıejúzi soǵysy ótken jerlerden tabylǵan nagradalar arqyly qazaqstandyq 566 sarbazdyń esimin anyqtaýǵa atsalysqan. Volonterler esirtkini jarnamalaıtyn 87 graffıtıdi óshirdi», - deıdi Oljas Mamyr.