Birgemiz: Túrme qyzmetkerleri tyl ardageriniń úıine baryp kómektesti

KÓKShETAÝ. QazAqparat – Aqmola oblysynyń qylmystyq atqarý júıesi departamenti ETs-166/11 túzetý mekemesiniń qyzmetkerleri «Biz birgemiz» aktsııasy sheńberinde Jeńistiń 75 jyldyǵyna oraı tyl ardageri Lıýdmıla Mıroshnıchenkoǵa azyq-túlik jetizip, úı sharýasyna kómektesti, dep habarlaıdy QazAqparat tilshisi vedomstvonyń baspasóz qyzmetine silteme jasap.

Lıýdmıla Trofımovna Chernıgov oblysynda týǵan. Soǵys bastalǵan kezde jasy 9-da bolǵan, 11 jasynda anasymen birge Stepanakert qalasyndaǵy maıdanger ákesine baryp, sonda parashıýt tigetin fabrıkada eńbek etken. Soǵys aıaqtalǵan soń 1952 jyly Qazaqstanǵa qonys aýdarǵan. Keıin 1963 jyly Aqmola oblysynyń Zavodskoı kentine kóship keledi.

«Sodan beri tapjylmastan osy aýylda turyp kelemin», – deıdi qarııa.

Ol quqyq qorǵaý organdarynyń qyzmetkerlerin óziniń áriptesi sanaıdy. Lıýdmıla Trofımovna joldasy ıAkov Moıseımen birge 1963-1982 jyldar aralyǵynda órt sóndirý bóliminde qyzmet etken.

«Men kishi serjant dárejesinde, dıspetcher laýazymynda qyzmet istedim, – dep eske alady qarııa. – Qansha jyl ótse de, barlyǵy keshe ǵana bolǵan sııaqty. Umytpaı kelip, kómektesip jatqandaryńyzǵa alǵysym sheksiz. Sizderdi kórip qýanyp qaldym».

Jeńis kúni qarsańynda tyl ardageriniń úıine barǵan ETs-166/11 túzetý mekemesiniń qyzmetkerleri qarııany azyq-túlikpen qamtamasyz etip qana qoıǵan joq, úıiniń ishi men aýlasyn jınastyryp kómektesti. Sonymen birge, qarııaǵa koronavırýs ınfektsııasynyń taralýyna baılanysty qaýipsizdik sharalary týraly aıtyp túsindirdi.

«Soǵystyń aıaqtalǵanyna bıyl 75 jyl tolsa da, sol surapyl soǵysta jaýdy jeńýge úles qosqan maıdangerlerimiz ben tyl ardagerleriniń erligi óskeleń urpaqtyń máńgi jadynda saqtalǵan. Olarǵa qamqorlyq kórsetý – óskeleń urpaqtyń paryzy» deıdi vedomstvonyń baspasóz qyzmetindegiler.