Birgemiz: Qostanaılyq kásipkerler 50 otbasyna azyq-túlik jetkizdi

QOSTANAI. QazAqparat – «Nur Otan» partııasy qolǵa alǵan «BizBirgemiz» qaıyrymdylyq aktsııasy qostanaılyqtar arasynda úlken qoldaýǵa ıe boldy, dep habarlaıdy QazAqparat tilshisi.

Respýblıkalyq aktsııaǵa Áýlıekól aýdanynyń kásipkerleri de ún qosty. Amanqaraǵaı aýyly meshitiniń bas ımamy Serikbaı Esbolovtyń aıtýynsha, qazirgideı qıyn shaqta kómekke muqtaj jandarǵa qoldaý kórsetip, qaıyrymdylyq jasaýǵa umtylǵandar kóbeıýde.

«Mundaı isti qolaý ár pendeniń azamattyq paryzy ǵoı. Aýdannyń jeke kásipkerleri Ǵabıt Muqanov pen Abzal Nyǵmetovterdiń uıymdastyrýymen kópbalaly 50 otbasy azyq-túlikpen qamtamasyz etildi. Az qamtylǵan ár úıge on keli kúrish, on keli makaron, 25 keli un, bes lıtr suıyq maı, jarty keli shaıdan úlestirildi. Saýaby mol is-sharanyń basy-qasynda bolyp, qoldaý tanytqan jomart jandarǵa aıtar alǵysymyz sheksiz», – deıdi Serikbaı qajy Esbolov.

Sondaı-aq, meshitke kelgenderge kásipker Gúlnur Bekmaǵambetova kóp márte qoldanýǵa bolatyn maska taratyp berdi.