«Birgemiz» qory Almatyǵa qosymsha 1,2 mlrd teńge bóledi

ALMATY. QazAqparat – «Birgemiz» qory Almatyda áleýmettik turǵydan az qamtylǵan turǵyndardy qoldaýǵa qosymsha 1 mlrd 200 mln teńge bóledi. Bul týraly onlaın-brıfıng barysynda qalalyq Áleýmettik ál-aýqat basqarmasynyń basshysy Rahat Shımasheva aıtty, dep habarlaıdy QazAqparat tilshisi.

«Elbasynyń bastamasymen qurylǵan «Birgemiz» qoǵamdyq qory áleýmettik turǵydan az qamtylǵan turǵyndardy qoldaýǵa 1 mlrd 200 mln teńge bólmek. 23 myńnan asa áleýmettik turǵydan az qamtylǵan otbasyǵa 50 myń teńgeden asa kómek kórsetiledi. Olar 1-top múgedekteri, múgedek bala baǵyp otyrǵan ata-analar, kópbalaly analar», - dedi Rahat Shımasheva.

Sonymen qatar, «Jańa Alataý» qory men «Nur Otan» partııasy tarapynan ázirlengen azyq-túlik sebetin 5 myńǵa jýyq turǵyn aldy.

Kúnine osyndaı 400-500 sebet taratylady.