Birgemiz: Qazaqstan kásipkerleri Elbasynyń úndeýine qoldaý kórsetýde

NUR-SULTAN. QazAqparat – «Bi-Group» kompanııasynyń dırektorlar keńesiniń tóraǵasy Aıdyn Rahymbaev koronavırýspen kúres úshin óziniń qonaqúıin paıdalanýǵa berdi. Bul týraly óziniń Twitter-degi paraqshasynda Elbasynyń baspasóz hatshysy Aıdos Úkibaı jazdy, dep habarlaıdy QazAqparat.

«Keshe @BIGroup_KZ kompanııasy dırektorlar keńesiniń tóraǵasy qaıyrymdylyqqa 2 mıllıon dollar bólse, búgin karantın naýqastar úshin aýrýhana retinde qonaqúıin berdi. Jaraısyń, Aıdyn! Naǵyz patrıot! Koronavırýs indetimen kúres kóptegen qazaqstandyqtardy biriktirdi. Elbasynyń halyqty qoldaý týraly bastamasyn birinshi bolyp qoldaǵandardyń biri - kásipker Aıdyn Rahymbaev»,-dep jazdy Aıdos Úkibaı.