«Birgemiz»: Atyraýda janashyrlar 14 otbasyna tegin azyq-túlik jetkizip berdi

ATYRAÝ. QazAqparat – Atyraýda 14 otbasyǵa tegin azyq-túlik berildi, dep habarlaıdy QazAqparat.

«Birgemiz» qaıyrymdylyq aktsııasy aıasynda «Elsana» rýhanııat klýbynyń jetekshisi Nurjan Ermuhanov pen «Bylına» orys etnomádenı birlestiginiń basshysy Andreı Korablev turmysy tómen 14 otbasyna áleýmettik mańyzy bar azyq-túlik túrlerin jetkizip berdi.

«Áleýmettik osal toptaǵy biz úshin bir aýyz jyly sóz de úlken qoldaý bolady. Biraq, janashyr jandar keıingi urpaqqa úlgi-ónege bolarlyq qaıyrymdylyq tanytty. Olar bizge qajetti azyq-túlikti úıimizge ákelip berdi», - deıdi qos janarynan aırylǵan Talǵat Hamı.

Sondaı-aq, qoǵamdyq uıym ókilderi azyq-túlik berýmen shektelmegen. Olar jaldamaly páterde turatyn keıbir otbasylardyń jaldaý aqysyn tóleýge qol ushyn sozdy.