Birge saıty: Kólginovke turǵyndardan astanany kóriktendirýge qatysty 240 usynys tústi
«Men Birge platformasynyń iske qosylǵany týraly habarlaǵan bolatynmyn. Onda elordamyzdy damytý boıynsha usynystaryńyzdy jibere alasyzdar. Usynystardy birneshe baǵyttarǵa bóldik. Apatty jaǵdaıdaǵy eski úıler, ekologııa, gazdandyrý, kógaldandyrý, qoǵamdyq keńistikter, kóshelerdi jaryqtandyrý, janýarlardy qorǵaý, turǵyn úı-kommýnaldyq sharýashylyq, qurylys, bilim berý, qaýipsizdik, densaýlyq saqtaý, áleýmettik sala, kólik jáne t. b. sanattar bar» dep jazdy ákim.
Qala basshysynyń aıtýynsha, Birge saıtyna 40 kún ishinde qala turǵyndarynan 240-tan astam usynys túsken. Olardyń qatarynda biryńǵaı stýdenttik karta qurý jáne jańa qoǵamdyq keńistikter ashý, kólik, TKSh salalaryna aqyldy tehnologııalardy engizý jáne t. b. bar.
«Bastapqy kezeńde 30-ǵa jýyq usynys iriktelip, olar boıynsha daýys berý iske qosyldy. Onlaın-daýys berýge qoǵamdyq keńistik, TKSh, bilim berý, bıznes, ekologııa, janýarlardy qorǵaý, kóshelerdi jaryqtandyrý, kólik, ýrbanıstıka-qalalyq orta, týrızm, mádenıet, áleýmettik sala sııaqty sanattar usynylǵan. Siz ózińizge unaıtyn ıdeıaǵa daýys bere alasyz. Qala turǵyndarynyń kópshiligi qoldaǵan ıdeıalardy júzege asyramyz. Alǵashqy 30 joba boıynsha onlaın-daýys berý 19.03-19.04.2021 aralyǵynda ashyldy. Sonymen qatar, qala turǵyndary qalany odan ári damytý boıynsha óz usynystaryn qaldyra alady. Birlesip elordamyzdy odan da jaıly ete alamyz!» dep túıdi sózin Altaı Kólginov.