«Birge» saıty elordalyqtarǵa ne beredi

NUR-SULTAN. QazAqparat – Elorda ákimdigi «Birge» saıtyn iske qosty. Osyǵan oraı búgin Nur-Sultan qalasy ákiminiń orynbasary Baqtııar Máken atalǵan saıttyń qala turǵyndary úshin qandaı tıimdiligi bar ekendigin aıtty, dep habarlaıdy QazAqparat tilshisi.

«Taıaýda ǵana ákimdik jańa saıt ashatyndyǵyn jarııa etken edik. Elorda turǵyndarynyń usynystaryn jınaý úshin «Birge» saıtyn iske qostyq. Onda elordanyń árbir turǵyny qalanyń tynys-tirshiligine qatysty kez kelgen máselemen júgine alady. Qalamyzdy jaqsartýǵa jáne damytýǵa qatysty usynystar, qandaı da bir problemalar bolyp jatsa, ol saıtqa egiziledi jáne biz ony birlese otyryp sheshetin bolamyz», - dedi ol «Táýelsizdiktiń 30 jyldyǵyn ótkizýdegi azamattyq sektordyń róli» taqyrybynda ótken kezdesý barysynda.

Sonymen qatar qala basshysynyń orynbasary belsendi elordalyqtar atalǵan saıtta usynystary men ıdeıalaryn jazyp qaldyra alatyndyǵyn atap ótti.

«Tuǵyrnamanyń jumys isteý protsesi qarapaıym. ıAǵnı, ıdeıa usyný, jınaqtaý, jobany júzege asyrý. Demek, biz turǵyndardyń úzdik usynystaryn birlese júzege asyramyz», - dedi Baqtııar Máken.

Buǵan deıin elordada úkimettik emes uıymdardyń ókilderi «Táýelsizdiktiń 30 jyldyǵyn ótkizýdegi azamattyq sektordyń róli» taqyrybynda kezdesý ótkizgenin habarlaǵan edik.