Birǵanym Áıtimova Elbasynyń úsh negizgi bastamasy týraly aıtty
«Óz sózimdi Prezıdent Qasym-Jomart Toqaevtyń sózinen bastaǵym keledi: «Tarıhtyń ózi kórnekti tulǵalardy qalyptastyrady. Biraq mundaı kóshbasshylar da tarıh túzedi». Nursultan Ábishuly Nazarbaev naq osyndaı aýqymdy tarıhı tulǵa! Jalpyulttyq kóshbasshy úsh onjyldyq ishinde zamanaýı Qazaqstandy qura aldy, memlekettik ınstıtýttar quryldy, memlekettik basqarý tetikteri jasaldy, taıaýdaǵy 30 jáne odan da kóp jylǵa arnalǵan maqsattar, ornyqty ekonomıkalyq damý strategııasy aıqyndaldy, «Máńgilik El» ulttyq kody usynyldy jáne syrtqy saıası basymdyqtar naqty belgilendi», - dedi Birǵanym Áıtimova.
Onyń aıtýynsha, bul kúnderi jáne odan keıingi jyldary Tuńǵysh Prezıdent Nursultan Nazarbaevtyń atyna kóptegen mańyzdy, mándi jyly sózder aıtylady.
Sonymen qatar, ol Elbasynyń úsh negizgi bastamasyn atap ótti: Semeı ıadrolyq polıgonyn jabý, ıadrolyq arsenaldan erikti túrde bas tartý, memlekettik shekarany halyqaralyq-quqyqtyq resimdeý.
«Birinshi bolyp ıadrolyq qarýdy ıemdenýden óz erkimen bas tartqan Prezıdent Nazarbaevtyń bedeli jańa Qazaqstannyń beıbitshil jáne dáıekti basshysy retinde aıqyndaldy. Nursultan Ábishuly Nazarbaev ıadrolyq derjava mártebesinen bas tartyp qana qoımaı, AQSh, Reseı, Qytaı, Ulybrıtanııa men Frantsııanyń bes ıadrolyq derjavasynan eldiń qaýipsizdigine kepildik berýdi talap etkenin atap ótken jón. Men Tuńǵysh Prezıdentimizdi halyqaralyq uıymdar basshylary men shet memleketter basshylarynyń qalaı qabyldaǵanyna birneshe ret kýá boldym. Olar Nursultan Nazarbaevqa ıadrolyq qarýdy taratpaý jónindegi jahandyq protsestiń belsendi qatysýshysy retinde qurmet kórsetip, onyń dáıektiligi men qaýipsizdik salasyndaǵy seriktestigi úshin rızashylyq bildiredi. Elbasynyń jaqsy jeke qarym-qatynas ornata bilýi, harızmatıkalyq tabıǵaty men súıkimdiligi elge jaǵymdy ımıdj ákelip qana qoımaı, sonymen qatar ulttyq múddelerdiń ıgiligin de arttyrdy, - dep atap ótti spıker.
Nursultan Nazarbaevtyń halyqaralyq jáne aımaqtyq qaýipsizdikti nyǵaıtýǵa qosqan batyl úlesi týraly aıta kelip, Birǵanym Áıtimova halyqaralyq moıyndaý el ishindegi ulttyq órleýden kórinis tabatynyn atap ótti. Bul ózara baılanysty protsester. Qazaqstan halyqaralyq arenada óziniń biregeı sýbektiligin bekitti.