Birde-bir mınıstr jaǵajaıda qyzdyrynyp jatpaýy kerek - Qyrǵyzstan úkimeti basshysynyń orynbasary

BІShKEK. KABAR-QazAqparat – «Sheneýnikter, ásirese mınıstrler tynbaı jumys isteýi kerek». Mınıstrler kabınetiniń otyrysynda Qyrǵyzstan mınıstrler kabıneti basshysynyń orynbasary - Ulttyq qaýipsizdik memlekettik komıtetiniń tóraǵasy Kamchybek Tashıev osylaı eskertti, dep habarlaıdy QazAqparat «Kabar» agenttigine silteme jasap.

«Mınıstrdiń kreslosynda otyrǵan kezde Ystyqkólde demalyp, áıteýir ersili-qarsyly bos júrmeýlerińiz kerek. «Adamdar demalyp jatyr, men de demalam» degendi doǵarý qajet. Biz qyzý jumys isteýimiz kerek, bizde demalys bolmaýy tıis. Birde-bir mınıstr jaǵajaıda kúnge qyzdyrynyp jatpaýy kerek. Qurmetti mınıstrler, mundaıdy kórmeıtin bolaıyn. Men de shara qoldanam. Úılerińizde demalyńyzdar. Mınıstr bolǵan ekensizder, jumys isteńizder. Bizde demalys bolmaıdy», - dedi ol.