Bir jylda ushaqpen qatynaǵan jolaýshylar sany 10 mln-ǵa jetti

ASTANA. QazAqparat - Ótken jyly áýede jolaýshy tasymaly 15%-ǵa ulǵaıdy jáne olardyń sany Qazaqstan táýelsizdik alǵaly beri alǵash ret 10 mln-nan asty, dep habarlaıdy QazAqparat.

Azamattyq avıatsııa komıteti taratqan málimetke sensek, áýe kóligindegi jolaýshy tasymaly barlyq boljamdardan ozyp, ótken jyly pandemııaǵa deıingi 2019 jyldan da úlken ósim kórsetti.

Máselen, 2022 jylǵy 11 aıdyń qorytyndysy boıynsha qazaqstandyq áýe kompanııalary tasymaldaǵan jolaýshy sany 2021 jylmen salystyrǵanda 15%-ǵa artyp, 9,9 mıllıonǵa jetti (2021 jyly – 8,6 mln, 2020 jyly – 5 mln jolaýshy).

Boljam boıynsha, 2022 jylǵy tasymaldanǵan jolaýshy sany shamamen 10,8 mıllıonǵa jetedi dep kútilip otyr.

2021 jylǵy kórsetkishpen salystyrǵanda ósim (9,4 mln jolaýshy) - 15%.

Qazaqstan táýelsizdik alǵaly beri alǵash ret jolaýshylar tasymaly 10 mıllıon jolaýshydan asady.

Óten jyly qańtar-qarasha aılarynda otandyq áýe kompanııalary ishki baǵyttarda 7 mln (2021 jyly – 6,9 mln, 2020 jyly – 4,1 mln), halyqaralyq baǵyttarda – 2,9 mln jolaýshy (2021 jyly – 1,7 mln, 2020 jyly – 0,9 mln) tasymaldady.

Air Astana áýe kompanııasynyń jolaýshylar aǵyny - shamamen 3,7 mln adam, FlyArystan – 3 mıllıonǵa jýyq, SCAT – 2,7 mln jáne Qazaq air – 0,5 mln adam boldy.