Bir jylda shylym shegetin jastar sany artty – ulttyq statıstıka

ASTANA. QazAqparat – Bir jylda jastar arasynda shylym shegetinder artty. Bul týraly Ulttyq satıstıka bıýrosynan málim etti, dep habarlaıdy QazAqparat.

Eresek halyqtyń temeki tutynýyna qatysty júrgizilgen zertteýge sáıkes, saýalnamaǵa qatysqandardyń 20,4% temeki tartady (temeki tartpaıtyndar – 79,6%), er adamdardyń 38,4%, (temeki tartpaıtyndar – 61,6%), áıelderdiń 8,4% temeki ónimderin tutynady (temeki tartpaıtyndar – 91,6%).

Respondentterdiń 16,6% kún saıyn shylym shekse, 3,8% - anda-sanda.

Temeki tútininen óz úıinde zardap shegip júrgen turǵyndar úlesi – 12,8%, jumysta – 8,1%, qoǵamdyq tamaqtaný oryndarynda – 10,5%, olardyń basym kópshiligi (93% astamy) shylym shekpeıtin adamdar.

Turǵyndary temeki ónimderin eń kóp tutynatyn óńirler: Qaraǵandy (25,4%), Pavlodar jáne Jambyl oblystary (24,6%).

Saýalnamaǵa qatysqandardyń 85,5% atalǵan jaman ádet aýyr syrqattar týdyrady dep sanaıdy. Qoǵamdyq oryndarda temeki tartýǵa tyıym salý týraly zańnamany qoldaıtyndar – 67,7%.

2022 jyly byltyrmen salystyrǵanda 18-28, sondaı-aq 60 (63) jáne odan joǵary jas toptaryndaǵy azamattar arasynda shylym shegetinder artqan. Qalǵan jas toptarynda azaıǵan.