Bir jylda órtten 29 bala kóz jumǵan - mınıstr úndeý jasady
«Jalpy bıyl órtten 29 bala tapqan, onyń 13-i eresekterdiń qaraýynsyz qalǵan. Osy múmkindikti paıdalana otyryp, ata-analardy balalaryn qaraýsyz qaldyrmaýǵa shaqyramyn. Óskeleń urpaqtyń amandyǵy úshin qoǵamdyq qozǵalystar men úkimettik emes uıymdardy kópbalaly otbasyndaǵy balalardyń bos ýaqytyn uıymdastyrýmen aınalysýǵa shaqyrǵym keledi», - dedi mınıstr.
Sondaı-aq, ol sońǵy jyldary jylytý maýsymy kezinde balalardyń ólimi jıi tirkelip jatqanyn eske saldy.
«Qabyldanǵan karantındik sharalarǵa, atap aıtqanda balabaqshalar men mektep mekemeleriniń qyzmetin shekteýge baılanysty balalardyń kóbi úıde jáne kóbinese eresekterdiń qaraýynsyz boldy. Bıyl Nur-Sultan qalasynda 2 bala, Jańatas qalasynda 5 bala jáne Túrkistan oblysynda 4 bala ólimi tirkeldi. Atalǵan qaıǵyly jaıttardyń bárinde otbasylar áleýmettik osal sanatyna jatpaıdy», - degen ıÝrıı Ilın qysta Nur-Sultan jáne Petropavl qalalarynda bolǵan rezonansty qaıǵyly oqıǵalarǵa da toqtaldy.
«4 adam qaıtys bolyp, 15-ten astam adam zardap shekken bolatyn. Eki nysan da shaǵyn bızneske jatady. Moratorıı saldarynan bizdiń vedomstvonyń tekserýine jatpaıtyn nysandar bolatyn. Azamattardyń qaýipsizdigi úshin biz mindetti túrde órt dabyly, órt sóndirý jáne habarlaý júıelerimen jaraqtandyrýdy, sondaı-aq turǵyn úılerdegi gazdanýdy baqylaýdy engizý máselelerin pysyqtadyq.
Buryn bul normalar bıiktigi 10 qabatty jáne odan joǵary ǵımarattar, kóp páterli turǵyn úıler úshin ǵana kózdelgen bolatyn. Turǵyn úılerdiń gazben qalaı jabdyqtalǵanyn baqylaý zańnamada qarastyrylmaǵan. Osyǵan baılanysty, azamattardyń nazaryn óz qaýipsizdikteri úshin múmkindiginshe órt datchıkterin ornatý kerek ekenine aýdarǵym keledi», - dedi vedomstvo basshysy.