Bir jyl ishinde shaı men kofe qymbattady

ASTANA. QazAqparat – Bıyl qańtar-mamyr aralyǵynda elimizde 8,7 myń tonna shaı men kofe ónidirildi. Bul ótken jyldyń sáıkes kezeńimen salystyrǵanda 35,2%-ǵa kóp, dep habarlaıdy QazAqparat tilshisi Energyprom.kz portalyna silteme jasap.

Qazaqstan boıynsha shaı men kofe óndirisiniń jartysynan kóbi Almaty qalasyna tıesili. Munda 4,7 myń tonna shaı men kofe ónimi daıyndalǵan. Bul ótken jyldyń tıisti kezeńimen salystyrǵanda 32,6%-ǵa artyq. Sonymen qatar, atalǵan taýar Shymkent qalasy (2,2 myń tonna) men Almaty oblysynda (1,5 myń tonna) da az óndirilgen joq.

Tek maýsym aıynyń ózinde kofe 1,2%-ǵa qymbattasa, shaıdyń baǵasy 0,2%-ǵa ósken. Jalpy bir jyl ishinde kofeniń quny - 20%, shaı 14%-ǵa joǵarylaǵan.

Bul rette, kofe baǵasy Túrkistan oblysynda (ósim 40,5%) aıtarlyqtaı qymbattaǵan. Buǵan qosa, Aqmola (ósim 38,5%) men Mańǵystaý oblystarynda (ósim 36,1%) kofe quny kóterilgen.

Al, shaı Qyzylorda oblysynda 28,7%-ǵa ósti. Odan keıingi orynda Shymkent (ósim 27,2%) qalasy jáne Abaı oblysy (ósim 21,4%) tur.