Bir jyl ishinde bankter men mıkroqarjy uıymdarynda 11 myńǵa jýyq alaıaqtyq operatsııa tirkeldi

ASTANA. QazAqparat – Qarjy salasyndaǵy operatsııalardy qashyqtan júrgizý rásimderi artqannan keıin, elimizde alaıaqtardyń áreketteri de kóbeıip keledi. Bul týraly Qarjy naryǵyn retteý jáne damytý agenttiginiń tóraǵasy Mádına Ábilqasymova aıtty, dep habarlaıdy QazAqparat tilshisi.

«Byltyr bankter men mıkroqarjy uıymdarynda 11 myńǵa jýyq alaıaqtyq operatsııany tirkedik. Onyń bes myńy nesıeni alaqtyq jolmen tirkeýge qatysty. Bul turǵyda alaıaqtar nesıeni onlaın tártipte rásimdeý múmkindigin paıdalanyp otyr», - dedi Mádına Ábilqasymova depýtattardyń suraqtaryna jaýap bere otyryp.

Agenttik basshysy bul turǵyda byltyr mıkroqarjy uıymdaryna qaryz alýshyny naqtylaýǵa qatysty talaptar aıtarlyqtaı kúsheıtilgenin aıtty. Osy rette eki faktorly ıdentıfıkatsııa, bıometııa engizildi.

«Degenmen, alaıaqtyq operatsııalar áli tirkelip jatyr. Bul jerde másele aqparattyq qaýipsizdikke jáne qarjy mekemeleriniń óz júıeleriniń qaýipsizdigine qatysty. Osy maqsatta bıyl quqyq qorǵaý organdarymen, Ulttyq bankpen birlese otyryp, nesıege qatysty alaıaqtyq shemalaryna qarsy is-qımyldyń Jol kartasy ázirledi. Onda kıberqaýipsizdikti kúsheıtetin birqatar qadamdar qarastyrylǵan», - dedi M. Ábilqasymova.