Bir jyl buryn iz-túzsiz joǵalyp ketken qostanaılyq azamat Reseıden tabyldy

QOSTANAI. QazAqparat – Byltyrdan beri izdeýde bolǵan 46 jastaǵy er adam Reseı Federatsııasynyń Naberejnye Chelny qalasynan tabyldy. Bul oqıǵa týraly Qostanaı oblystyq polıtsııa departamentiniń baspasóz qyzmetinen habarlady, dep jazady QazAqparat.

Vedomstvonyń málimdeýinshe, 2020 jyldyń aqpanynda Qarabalyq aýdanynyń polıtsııa bólimint Svıatoslavka aýylynyń turǵyny Tsılınko Galına shaǵymdanǵan.

Ol balasynyń jumys izdep Chelıabınsk oblysyna ketkenin, sodan ,th3 baılanysqa shyqpaı qoıǵanyn aıtty.

«Atalǵan ótinish boıynsha is qozǵalyp, er adamǵa halyqaralyq izdeý jarııalanǵan. 11 mamyrda jedel izdeý sharalarynyń nátıjesinde er adamnyń din aman ekeni, Reseı Federatsııasynyń Naberejnye Chelny qalasynda turyp jatqany jaıly aqparat kelip tústi. Alaıda onyń eshqandaı qujattary bolmaǵan», - dep atap ótti polıtsııa.

Reseılik áriptestermen júrgizilgen kelissózden keıin Aleksandr Tsılınkony otanyna qaıtarý kýáligin berý jóninde sheshim qabyldandy.

Qazirgi kezde polıtseıler oqıǵanyń búkil mán-jaıyn anyqtap jatyr.

Óz kezeginde Aleksandrdyń anasy Galına polıtseılerge balasyn izdeýde kórsetken kómegi úshin sheksiz alǵysyn jetkizdi.