Bir jarym aı ishinde 400-ge jýyq ótinish qaraldy - Balalar jónindegi ýákil
Ýákil osy aı boıy Premer-Mınıstrdiń orynbasary Tamara Dúısenova jáne memlekettik organdardyń barlyǵymen Memleket basshysynyń balalarǵa qatysty tapsyrmalaryn iske asyrý boıynsha jumys istegenderin aıtady.
«Negizgi baǵyttar – profılaktıka júıesin jáne kómek quraldaryn qurýdy, sondaı-aq balalarǵa qatysty qylmystar boıynsha zańnamaǵa ózgerister engizýdi jáne balalar qaýipsizdigin qamtamasyz etý; erekshe qajettilikteri bar balalar men aýyldyq jerlerde turatyn balalarǵa arnalǵan ınfraqurylym qurý. Sonymen qatar, osy jáne basqa da mindettermen óńirlerde jumys isteı bastadyq. Jalpy alǵanda, bir jarym aıdyń ishinde 4 aımaqqa baryp keldim. Endi kúzde ÚEU-men, óńirlerlik BQÝ-dermen úlken talqylaý ótkizýdi josparlap otyrmyz. Óńirlerge uzaǵyraq merzimge baryp, aýdan ortalyqtary men aýyldarda jumys isteımiz», - dep jazdy Dınara Zákıeva áleýmettik jelidegi paraqshasynda.
Ol túrli memlekettik organdarmen birlese otyryp, ata-analarmen kóteriletin máseleler men ótinishter boıynsha únemi kezdesýler ótkizip júrgenin atap ótedi. Sondaı-aq, bir jarym aıdyń ishinde 400 jeke ótinish boıynsha jumys júrgizildi – bul emdeý máseleleri, dári-dármekpen qamtamasyz etý, zorlyq-zombylyqqa qatysty jáne taǵy basqalar.