Bir úıir jylqyny Qostanaıdan Aqmolaǵa aıdap áketkender ustaldy
4 qazanda polıtsııaǵa 34 jastaǵy jergilikti turǵyn kelip, «Qypshaq» jaıylymynyń janynda 46 jylqy joǵalyp ketkenin habarlady. Shyǵyn 23 mln teńgeni qurady. Er adam fermada úsh úıir jylqy bar ekenin aıtty. Maldyń júrgen jerin baqylap otyrý úshin ár úıirdegi jylqylardyń birine GPS trekeri bekitilgen.
Qyrkúıek aıynyń ortasynda joǵalǵan úıirde ondaı belgi bolmaǵan. Iesi izdeýdi óz betinshe jalǵastyrǵan. Qylmysty ashý úshin polıtsııa basqarmasynda eki jedel-tergeý toby quryldy. Jedel jumys nátıjesinde Arqalyq polıtseıleri eki kún ishinde 46 jáne 47 jastaǵy eki kúdiktini – Aqmola oblysynyń turǵyndaryn anyqtady.
Jedel ýákilder kúdiktilerdiń mal urlaý úshin oblys aýmaǵyndaǵy jáne kórshi óńirlerdegi jaıylymdardy maqsatty túrde aınalyp ótkenin aıtady. Er adamdar kólikpen jáne mototsıklmen júrgen. Terisaqan aýylynan 200 shaqyrym jol júrip ótip, olar jylqylar shoǵyryn baıqap, ony Aqmola oblysyna aıdap áketýdi sheshedi.
Dalalyq jolda jylqy urlaýshylar maldy qoraǵa aıdap, onda úıirdiń aıǵyryndaǵy treketti alyp tastaıdy.
Aqmola oblysynda kúdiktiler kelesi kúni maldy jergilikti turǵyndarǵa satyp úlgeredi. Atalǵan fakti boıynsha QK 188-1-baby «Mal urlyǵy» boıynsha sotqa deıingi tergeý júrgizilýde.
Qamysty aýdanynda da polıtseıler qysqa merzimde joǵalyp ketken aǵylshyn-qarashaı tuqymynyń jylqysyn taýyp, ıesine qaıtardy. Aýyl turǵyny jergilikti ýchaskelik polıtsııa Baýyrjan Nurmanovtan kómek suraǵan. Іzdeý is-sharalary barysynda polıtsııa qyzmetkeri maldy taýyp, aýyl turǵynyna qaıtaryp berdi.