Bir úıir jylqyny Aqmoladan Jambyl oblysyna urlap áketken barymtashylar ustaldy
Aqmola oblystyq PD baspasóz qyzmetiniń málimetinshe, maýsymnyń 10-da jedel-izdestirý is-sharasy barysynda Baısary aýylynyń turǵyndaryna tıesili 36 bas jylqy urlaǵan kúdiktiler ustalǵan.
Urlyqtan mal ıelerine kelgen shyǵyn - 17 mıllıon 750 myń teńgege baǵalandy.
«Qylmystyq toptyń quramynda 31-36 jas aralyǵyndaǵy Jambyl oblysynyń turǵyndary jáne shetel azamattary bar. Kúdiktilerdiń bári ýaqytsha ızolıatorǵa qamaldy. Anyqtalǵandaı, barymtashylar jaıylymda júrgen 36 bas jylqyny júk gazeli men tirkemesi bar «Scania» jabyq júk kóligine artyp Jambyl oblysynyń Baızaq aýdanyna alyp ketken. Keıin kúdiktiler jylqylardy jergilikti «ASA-ER» bazarynda satqan», - dedi vedomstvodan.
Qazirgi kezde Qylmystyq kodekstiń 188-1-babynyń 4-bóligi boıynsha sotqa deıingi tergeý amaldary qolǵa alyndy.
Aıta ketsek, budan buryn Kókshetaý turǵynynyń 109 sheteldik azamatty zańsyz tirkegenin jazǵan bolatynbyz.