Bir top jýrnalıster Elbasynyń Alǵys hatymen marapattaldy

NUR-SULTAN. QazAqparat – Bir top jýrnalıster Elbasynyń Alǵys hatymen marapattaldy. Bul týraly QR Tuńǵysh Prezıdenti - Elbasy Nursultan Nazarbaevtyń baspasóz hatshysy Aıdos Úkibaı aıtty, dep habarlaıdy QazAqparat.

«Táýelsizdik kúni qarsańynda eldigimizdi nyǵaıtyp, egemendigimizdi tuǵyrly etý jolynda aıanbaı eńbek etken bir top jýrnalıster Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń Alǵysymen marapattaldy. Áriptesterimizdi shyn júrekten quttyqtaımyz!», - dep jazdy Aıdos Úkibaı twitter paraqshasynda.

Marapattalǵan jýrnalısterdiń ishinde «Habar» agenttiginiń tilshisi Darhan Ábdiýaqıt, «Kazahstanskaıa pravda» gazetiniń jýrnalısi ıÝlııa Mager, «QR Prezıdenti TRK» tehnıkalyq dırektory Qaırat Maqajanov jáne «Nazarbaev ortalyǵynyń» tehnıkalyq-óndiristik qyzmetiniń jetekshisi Ernar Ibragımov, «Qazaqstan» arnasynyń tilshisi Ásıma Buharbaeva, «Alash Medıa Grýpp» medıa-holdınginiń bas dırektory Batyr Qazybaev bar.