Bir táýlikte koronavırýs pen pnevmonııany 81 adam juqtyrdy

ASTANA. QazAqparat – Ótken táýlikte koronavırýs ınfektsııasyna – 74, koronavırýs pnevmonııasyna 7 adam shaldyqty. Pnevmonııadan 1 naýqas qaza boldy. QazAqparat bul týraly QR Densaýlyq saqtaý mınıstrliginiń málimetine silteme jasap habarlaıdy.

Jalpy, 20 qańtardaǵy málimet boıynsha, el óńirlerinde koronavırýstan 1 949 adam (koronavırýs (KVI+) –1 796, pnevmonııa (KVI-)– 153) emdelýde. Olardyń ishinde 156 patsıent statsıonarda, 1 793 naýqas ambýlatorııalyq deńgeıde em qabyldaýda.
KVI+, KVI- shaldyqqandardyń arasynda:
- 10 adamnyń jaǵdaıy aýyr,
- 5 patsıenttiń jaǵdaıy óte aýyr,
- 3 naýqas ókpeni jasandy jeldetý apparatyna qosylǵan.

Eske salaıyq, 18 qańtarda koronavırýs – 101, pnevmonııa 4 adamnan anyqtalǵan bolatyn. 17 qańtardaǵy táýlik ishinde kronavırýsqa – 70, pnevmonııaǵa 9 adam shaldyqty. 16 qańtarda koronavırýs – 53, pnevmonııa 7 adamda tirkeldi.