Bir táýlikte Astanada 2 myń tekshe metrge jýyq sý soryldy
Astana qalasynyń «Almaty» aýdany boıynsha 607 tekshe metr, «Saryarqa» aýdanynda 515 tekshe metr, «Esil» aýdanynda 791 tekshe metr sý soryldy. Jalpy, qala boıynsha tıisti jumystarǵa 44 adam tartyldy, sonyń ishinde «Saryarqa» aýdanynda 13, «Almaty» aýdanynda 18 jáne «Esil» aýdanynda 13 adam jumyldyryldy. Ótken táýlikte jańbyr sýyn sorý jumystaryna 40-tan astam arnaıy tehnıka tartylǵan. Atap aıtqanda, «Almaty» aýdanynda 9 as-mashına, «Saryarqa» aýdanynda 8 as-mashına men 2 sorǵy, «Esil» aýdanynda 12 as-mashına men 12 sorǵy. Sınoptıkterdiń boljamynsha, búgin elordada kún ala bultty bolady, ótkinshi jańbyr jaýyp, kún kúrkireıdi. Kúndiz aýa temperatýrasy +24+26°S, túnde +16+18°S bolady, ońtústik-batystan soqqan jeldiń ekpini 15-18 m/s jetedi. Erteń Astanada aýa raıy jaqsarady, kún ala bultty, jaýyn-shashynsyz bolady. Aýa temperatýrasy kúndiz +28+30°S, túnde +15+17°S bolady. Ońtústik-batystan 9-14 m/s jyldamdyqpen jel soǵady. 24 shildede Astanada kún ala bultty bolady, ótkinshi jańbyr jaýyp, kún kúrkireıdi. Batystan 9-14 m/s jyldamdyqpen jel soǵyp, aýa temperatýrasy kúndiz +26+28°S, túnde +16+18°S bolady.