Bir táýlikte astana joldarynda 181 jol-kólik oqıǵasy tirkeldi

ASTANA. QazAqparat – Astana qalasynyń polıtsııa departamenti kún raıyna baılanysty joldaǵy qozǵalys qaýipsizdigine saq bolýdy eskertedi, dep habarlaıdy QazAqparat vedomstvonyń baspasóz qyzmetine silteme jasap.

Tek keıingi bir táýlikte shamamen 181 materıaldyq shyǵyn keltirilgen jol-kólik oqıǵasy tirkelgen.

Joldy kesip ótýde erejeni saqtamaǵan 11 jaıaý júrginshini kólik qaǵyp, olar jaraqattandy.

Jyl basynan beri jol-kólik oqıǵalarynan 3 adam qaza taýyp, 39 adam túrli dárejede jaraqat aldy.

Elordalyq polıtseıler 16 myńnan astam jol qozǵalysy erejelerin buzýdyń jolyn kesti, 213 mas júrgizýshi ustaldy, 1 600-den astam jaıaý júrginshige aıyppul salyndy.

Memlekettik nómirleri jalǵan 13 júrgizýshi jáne memlekettik nómirleri joq kólikti basqarǵany úshin 86 júrgizýshi ustaldy.