Bir táýlik ishinde Arys qalasynda taǵy 133 úı jóndeldi

ARYS. QazAqparat - Búgin Arys qalasynda qalpyna keltirilgen úılerdiń sany 2312-ge jetti (bir kún buryn 2179 edi), dep habarlaıdy QazAqparat QR Indýstrııa jáne ınfraqurylymdyq damý mınıstrliginiń baspasóz qyzmetine silteme jasap.

Taǵy 5 myńǵa jýyq jeke turǵyn úı men kópqabatty úıler elimizdiń 14 óńiri men respýblıkalyq mańyzy bar úsh qalanyń kúshimen jóndelip, qaıta turǵyzylýda.

Arys qalasynyń 17 sektoryn qalpyna keltirýge barlyǵy 7,5 myńnan astam qurylysshy tartylǵan. Jumys Aqtóbe oblysynyń sektorynda belsendi qarqynmen júrgizilýde, onda 355 úı qalpyna keltirildi. Basqalar da qalyspaı keledi - Batys Qazaqstan oblysynda 290 úı, Qyzylorda oblysynda 177 úı jóndeldi.

Esterińizge sala keteıik, tótenshe jaǵdaı oryn alǵanalǵashqy kúnnen bastap Arys qalasynda júrgen IIDM birinshi vıtse-mınıstri Qaıyrbek Óskenbaev qurylys jumystarynyń barysyna kún saıyn monıtorıng jasap otyr.