Bir sıyr men birneshe taýyq AÁK taǵaıyndaýda krıterıı bolmaýy tıis - Nurymbetov
«Shyndyǵynda ataýly áleýmettik kómekti taǵaıyndaý barysynda malynyń bolýy da esepke alynady. Bul rette krıterıılerdi naqty anyqtap alýymyz kerek. Biz qazir Aýyl sharýashylyǵy mınıstrligimen jumys istep jatyrmyz. Meniń oıymsha, bir sıyr men birneshe taýyǵynyń bolýy otbasyn aýqatty dep baǵalaý krıterıı bolmaýy tıis. Sebebi, 3-4 taýyq pen bir sıyr sol aýyldyń kórinisi, bıznestiń kózi emes», - dedi Birjan Nurymbetov.
Sondyqtan onyń aıtýynsha, qazirgi ýaqytta Eńbek mınıstrligi Aýyl sharýashylyǵy mınıstrligimen osy baǵytta jumys júrgizip jatyr.
«Biz sál basqa baǵytta júıeli jumys júrgizýimiz kerek. Jalpy, másele AÁK tóleý tóńireginde emes. Mindet - halyqtyń ál-aýqatyn kóterý. Búginde aýyl turǵyndarynyń tabysyóte tómen», - dedi ol.
Osy oraıda B.Nurymbetov Eńbek mınıstrligi Jambyl oblysynyń ákimdigimen atalǵan óńirde bir pılottyq jobany qolǵa alǵanyna toqtaldy.
«Úkimet bul jobany maquldady. Olar búkil oblysta 300 myńnan astam úı sharýashylyǵyn zerdelegen jáne ár otbasynyń qandaı áleýeti bar ekendigin anyqtaǵan. Bireýleriniń paıdalanbaı otyrǵan úı janyndaǵy sharýashylyǵy bar, otbasylardyń 56 paıyzynyń maly joq, endi bireýleri jer paıyn kádege jaratpaıdy. Biz Jambyl oblysynyń 10 aýdanynan 10 aýyldy tańdap aldyq. Árbir aýylda kópbeıindi kooperatıvter qurdyq. Olar sút, et sharýashylyqtarymen baılanystyrylǵan. ıAǵnı, bul jerde adamdarǵa ózderiniń úı sharýashylyqtary arqyly bıznes júrgizýge úıretý maqsaty bar. Al búgingi problema qandaı? Adamdarǵa sıyr ósirýmen aınalys dep shaǵyn nesıe berýdiń esh tıimdiligi joq. Óıtkeni, jem-shóp kerek, etin, sútin, terisin satatyn jer kerek. Sondyqtan bul máseleniń keshendi qaralǵany jón. Al kooperatıvter olarǵa óndirgen ónimderin ótkizýge kómek beretin bolady. Biz turǵyndarǵa mal satyp alý úshin jyldyq mólsherlemesi 2 paıyzban shaǵyn nesıe berdik», - dedi mınıstr.