«Bir qyzdy unatyp qaldym»: Er adam Astana áýejaıyna «bomba» qoıdy

ASTANA. QazAqparat – Astana áýejaıyna jarylǵysh zat qoıylǵandyǵy týraly jalǵan aqparat bergen jolaýshy qylmystyq jaýapkershilikke tartyldy, dep habarlaıdy QazAqparat áýejaı málimetine silteme jasap.

Astana halyqaralyq áýejaıynan «Astana-Almaty» baǵytymen ushatyn jolaýshy tirkeýden ótý kezinde ózimen birge bomba bar ekenin aıtqan. Áýejaıda dabyl qaǵylyp, qyzmetkerler nysandy shuǵyl tekserýge májbúr boldy.

Alaıda Astana halyqaralyq áýejaıynyń avıatsııalyq qaýipsizdik qyzmetiniń mamandary jarylǵysh zatty tappady. Jolaýshy bolsa reıske jiberilmeı, jelilik polıtsııa bólimi qyzmetkerlerine tapsyryldy.

Qazir oǵan qatysty QR Qylmystyq kodeksiniń 273-baby boıynsha tergeý bastaldy.

Er adam bul qylyǵyn «bir qyzdy unatyp, soǵan ázildemek nıette» jasaǵanymen túsindirgen.

Jyl basynan Astana halyqaralyq áýejaıynda jarylǵysh zat týraly jalǵan aqparat berý boıynsha 30 is tirkelgen.