Bir kúnde Almaty qalalyq polıtsııa departamentine 27 ret shabýyl jasalǵan

ASTANA. QazAqparat – 5 qańtar kúni Almaty qalalyq polıtsııa departamentiniń ǵımaratyna 27 ret shabýyl jasalǵan. Mundaı málimet Bas prokýratýra usynǵan «Qańtar oqıǵasy: Derek pen dáıek» derekti fılminde keltirildi, dep habarlaıdy QazAqparat tilshisi.

Bas prokýratýra dereginshe, 5 qańtarda búlikshiler Almatydaǵy Áýezov pen Almaly aýdandarynyń polıtsııa basqarmalaryn jáne qalalyq polıtsııa departamentin basyp almaq bolǵan. Almaty qalalyq polıtsııa departamentine 27 ret shabýyl uıymdastyrylǵan. Degenmen, tártip saqshylary túngi saǵat 12-den tańǵy 5-ke deıin búlikshilerge toıtarys berip, qorǵanysty ustap turǵan.

Sonymen qatar, qańtar oqıǵasynyń hronologııasy baıandalǵan derekti fılmde ózge óńirlerdegi qarýly shabýyldar da qamtylǵan. Atap aıtqanda, dál osy kúni qylmyskerler Qyzylordadaǵy jergilikti polıtsııa qyzmeti men polıtsııa departamentiniń ǵımaratynda oıran salmaq bolǵan. Al birer saǵattan soń búlikshiler Taldyqorǵan, Taraz jáne Almaty men Jambyl oblystarynyń polıtsııa departamentterin basyp alǵan.

Foto: Reuters