Bir kózden memlekettik satyp alýlar sany qysqartylady
13:17, 12 Naýryz 2020
NUR-SULTAN. QazAqparat - Bir kózden memlekettik satyp alýlar sany qysqartylady. Bul týraly búgin Májiliste «Memlekettik satyp alý máseleleri boıynsha keıbir zańnamalyq aktilerine tolyqtyrýlar men ózgerister engizý týraly» zań jobasynyń tanystyrylymynda QR Qarjy vıtse-mınıstri Rýslan Beketaev aıtty, dep habarlaıdy QazAqparat tilshisi.
«Prezıdenttiń 2019 jylǵy 19 maýsymdaǵy saılaýaldy baǵdarlamasyna sáıkes memlekettik satyp alýdy jetildirý, onyń ishinde olardy ótkizýdi ortalyqtandyrý, tıimdilik pen ashyqtyqty arttyrý, sybaılas jemqorlyq táýekelderin tómendetý arqyly sharalar qabyldaý tapsyryldy», - dedi ol.
Osy rette vıtse-mınıstr zań jobasy túzetýlerdiń 3 negizgi bloktan turatynyn aıtty. Olar: bir kózden satyp alýdy qysqartýǵa baǵyttalǵan túzetýler; sybaılas jemqorlyq táýekelderin tómendetýge baǵyttalǵan túzetýler; memlekettik satyp alý týraly zańnamany jetildirýge baǵyttalǵan túzetýler.
«Bir kózden satyp alýdy qysqartý boıynsha shartty tikeleı jasasýdyń 52 negizinen bir kózden satyp alýdyń 3 negizin alyp tastaý usynylady», - dedi Rýslan Beketaev.