Bir el – bir kitap: keler jyly Tólen Ábdiktiń shyǵarmalaryn oqý bekitildi
Bıyl respýblıkalyq aktsııanyń basty taqyryby retinde memleket qaıratkeri, ǵalym, aqyn, pýblıtsıst, aǵartýshy jáne reformator Ahmet Baıtursynulynyń ǵylymı jáne ádebı shyǵarmashylyǵy jarııalanǵan. Osylaısha, kelesi baǵyttar boıynsha zertteý júrdi:
1. «Ahmet Baıtursynulynyń ǵylymı murasy»
2.«Ahmet Baıtursynulynyń ádebı shyǵarmalary»
3.«Ahmet Baıtursynulynyń qanatty sózderi men sóz tirkesteri»
4. «Qazirgi ǵylymdaǵy Baıtursyntaný».
Al, 2023 jyly «Bir el – bir kitap» aktsııasyna Tólen Ábdiktiń shyǵarmalaryn oqý bekitildi.
Sonymen qatar, balalarǵa arnalǵan bólim ashý qarastyrylyp otyr. Sebebi, balalar ádebıetin de oqý mańyzǵa ıe.
Shara sońynda Kókshetaý oblystyq «El-jastar» teatry Alash zııalylary men Ahmet Baıtursynulynyń qasiretti taǵdyryn kórsetetin kórinisti sahnalady.
Aıta keteıik, «Bir el – bir kitap» respýblıkalyq aktsııasy 2007 jyldan bastap Qazaqstan Respýblıkasynyń Ulttyq akademııalyq kitaphanasy bazasynda ótkizilip keledi. Mindeti – qazaq ádebıetin dáripteý, qoǵamnyń kitap oqýǵa degen qyzyǵýshylyǵyn arttyrý, sondaı-aq óskeleń urpaqtyń zııatkerlik-rýhanı damýyna yqpal etý.
Foto: abdikov-tolen.kalamger.kz