Bir aıda astanada 244 kólik aıyp turaǵyna qoıylǵan

NUR-SULTAN. QazAqparat – Nur-Sultan qalasyndaǵy jergilikti polıtsııa qyzmeti basqarmasynyń erekshe tapsyrmalar jónindegi aǵa ınspektory Nurlan Qaparov «Qaýipsiz jol» sharasynyń qorytyndysyn jarııalady, dep habarlaıdy QazAqparat tilshisi.

«19 shilde men 18 tamyz aralyǵynda ótken «Qaýipsiz jol» jedel-aldyn alý is-sharasy bastalǵannan beri jol qozǵalysy erejelerin buzýdyń 9 142 deregi anyqtaldy.

«Qorǵaý» qosymshasyn paıdalaný arqyly 466 júrgizýshige ákimshilik quqyq buzýshylyq týraly habarlama jiberildi», - dedi aǵa ınspektor.

Sondaı-aq bir aıda kólikti mas bolyp júrgizgen 69 júrgizýshi ustalǵan.

«Apatty jaǵdaı týdyrǵan 204 zań buzýshylyq anyqtaldy. Qarsy jolaqqa shyqqany úshin 41 júrgizýshi, baǵdarshamnyń tyıym salynǵan sıgnalyna ótkeni úshin 264 júrgizýshi, jaıaý júrginshige jol bermegeni úshin 1 809 júrgizýshi, jolaýshylardy zańsyz tasymaldaǵan 48 júrgizýshi jaýapqa tartyldy. Barlyǵy 244 avtokólik aıyp turaǵyna jiberildi», -dedi Nurlan Qaparov.

Aıta ketý kerek, bıyl astanalyqtarǵa «Sergek» kameralary arqyly 3,2 mlrd teńge aıyppul salynǵan.